هيَ حياتـى

هيَ حياتـى ..
هيَ وصف لسه ماوصفتهوش ...
وكلمه لسه مارتبتش حروفها ..
وكلام لسه ماكتبتهوش

هيَ اول امنياتى ..
واخر امنياتـى ..
وهـيَ كـبريائي ..
وضعفي وقوتـى ..
ودمعـى وابتساماتـى ...
وعمـر لسه ماعشتـهوش ..

مش عارف احبها ازاى اكتر ..
ودورت على حب زياده مالقتهوش ..
سالت الى بيفهمو فى العشق
وحكيت ليهم ومافهموش ..

افتكرونى بكدب او بهذي ..
افتكرونى مكبر الموضوع
ومهما احلف مايصدقوش ..

مهما قلت او وصفت ..
مهما اتكلمت ازاى يحسو .
باحساس انا نفسي
قبل كده مالقتهوش ...

اول مره ااقابل ملاك ..
على هيئة بشر ..
فى زمن مليان وحوش ..
رقيق رقة الطيور ..
وفيه جمال الزهور ..
يبقي ازاى ونبي ماحبهوش