اوقات ببقي
بردان فى عز الحر
وخايف ومطمن
كل مابفكر ان بجد
البعد زاد عن الحد
بصرخ وبتجنن 

اوقات ببقي
قاعد ومابتكلمش
والعقل فيه سرحان
وسكوتى بيطول
واتخيل وكانى زمان
اسمع كتير صوته
واتدفى بدفي سكوته
تايه جوا حدوته
مخليانى مطمن ..

اوقات ببقي
ببكى من جوا
ودمعى يبقي الحان
واتظاهر بالقوه
مع انى تملى جبان
واستطعم طعم يومي
القاه متغمس بهمومى
وفى عز يأسي وظنونى
القي ضحكه جايه تهون

اوقات ببقي
مبتسم وفرحان
واول مالقي
ذكري جايه من بعيد
القي دمعه نازله
وتمر على البسمه
وببقي حزين وسعيد
واشتاق للحضن الحنين

اوقات ببقي
لازم اقول سلام
وبجد مش كلام
ده اخر مشوارى
والضلمه تغطى نهاري
واستسلم للايام
تغيرنى بمزاجها
وامشيلها بمزاجها
عشان تملى محتاجها
لازم استحمل وبلونها اتلون