لو تسمحي

لو تسمحى
اتعبلك انا
وانتى تستريحي
تدوقي الهنا
وتدوبي فى الغنا
واحزن انا بس انتى تفرحى ..

اموت واشوف فى عيونك
شعور الامان
ويبدأ يطمن ويهدى
قلبك الجبان
ونبضي يطمن نبضك
وايدي تمسك ايدك
وااقولك ماتخافيش
انا كـ الدم فى وريدك
يعنى ان كل شئ سابك
صعب جدا انى اسيبك
مكانك مكانى ..
وعلى اسمك بكتب عنوانى
يعنى انتى هويتي ومطرحى
فـ لو تسمحى
انسي كل جرح قبلى
وبلاش كمان تجرحى
مع انك ملاك من غير جناحات
ورغم كده جوا منى
بتطيري وترفرفي
وتشدي القلب والدقه
وبخفه وبرقه
قادره انك تخطفي
اى مشاعر متشاله
كانت ماتت وبقت عاله
مالهاش دور وتصدقي
بقيت اموت واشوفك متفائله
طايره سعيده وبتضحكي
بتجري ورا الاحلام ..
كما الاطفال ..
وان سبقك حلم اطمنى
راح تلحقي ..
لو تسمحي
راح يعيش جانب منك
تعيشي جانب حلمك ..
وتتهنى وتفرحى ...
www.facebook.com/shaqawa.ziro