كتبتلها
( بـ حـ بـ ك )
كتبت الكلمة بدون امضاء
لـ عنيها
( الباء ) وصلت
عن كل الدنيا انفصلت
واترسمت بسمة وضحكة وضياء
دخلت عـ ( الحاء )
رسمت فـ خدودها اللون الأحمر
بصت فـ الأرض حياء
بعدين الباء
اكتملت الكلمة والقلب الضلمة
بقى نور و كمان دق
والنبض بقى عالي
سمّع كل الأرجاء
ختمت بـ ( الكاف )
عرفت إنها هي المقصودة
غابت عن كل الدنيا
نسيت كل الأحياء
فتحت قلبها
شدت منه الكلمة اللي اتولدت جواها
جات تنطقها مكسوفة
وقعت منها كل حروفها
واتكتبت ( بحبك يا .... )
كتبت إسمي من بين كل الأسماء
www.facebook.com/shaqawa.ziro