ماسيبتش بس كيانك وطيبتك
ماسيبتش بس مكانك وقلبك
انا لما سيبتك
سيبت معاكى كل الحياه
ودعت نفسي قبل اما امشي
وخدت مجرد خيالى وهمي
ومشيت بعيد
يعنى ببساطه ان تخيلتى
انى من بعدك حد سعيد
يبقي ماتعرفيش
انى سيبت كمان سعادتى جانبك
حاجات كتير خسرتها
فارقت حبك وفارقتها
كانت بتتخنق وبتتدبح
وانتى بتقولى كل شئ انتهى
مابقتش عارف ازاى اكمل
ولا حتى عارف ازاى اعيش
حاجات كتير باعتنى بعدك
وحاجات كتير كرهتها
وحاجات كتير مابتتنسيش
يعنى الحياه يادوب بتمشي
ناقصه ايوه مليون طريق
وناقصه الضي والبريق
بقيت فـ اول الشط القي
الناس بتنده وتقول غريق
تصعب عليا روحى اوى
من انى ضعيف كده
بس بعدك يهد جبل
اكدب لو قولت ماهدنيش
سعات بلقي فى الضلمه خيالك
افرح اوى واقوم ابتسم
وفجأه اتقسم
لما اكتشف ان خيالك امر عادى
دايما ملازمنى ومفارقنيش
ااقوم ادور فى الهوا
مليون وجع بيسمع جوا منى
بس الجدع اللى يبكي
ويموت جوا منه
بس قدام كل الناس يعيش
يعنى الحقيقه بُعدك انتى
خد معاه كل الحياه
عايش اكيد وده امر واقع
قابل نصيبي وقلبي طايع
بس كل الحياه بعدك ماتساويش
ليست هناك تعليقات:
إرسال تعليق